A Coruña
JAVIER
CASTIÑEIRA
(Monte Alto, A Coruña) Actor. Escola Superior de Arte Dramática de Galicia.
Este actor coruñés con alma de muxián, comeza a súa andanza actoral na infancia, da man de Noite Bohemia. Nesta compañía terá a oportunidade de traballar textos clásicos, tanto cómicos como tráxicos. Esta experiencia serviulle para gañar táboas no seu percorrido por diferentes teatros a nivel autonómico e nacional.
Apostou pola súa faceta artística cando decidiu formarse profesionalmente na ESADg, onde realiza diferentes proxectos. Cabe salientar, entre eles, As Bruxas de Salem da man de Olga Magaña e a súa participación en Matanza de Roberto Salgueiro, baixo a dirección de Aldán Dacosta. Colaborou tamén coa compañía Els Comediants en La Flauta Mágica na súa producción na Coruña.
Complementa a súa formación con cursos de Interpretación ante a cámara con profesionais como Jorge Coira, Daniel Currás, Conchi Iglesias ou JesúsFont.
CARMEN
FACORRO
(Vila de Cruces, Pontevedra). Actriz. Escola Superior de Arte Dramática de Galicia.
Esta cruceña decide apostar pola súa carreira artística formándose na Escola de Teatro Pábulo (Santiago de Compostela). Compatibiliza esta andadura formándose tamén en audiovisual, pois conta con cursos como Secuencia propia en Buenafuente ́s Actors (Maite Buenafuente) e con Interpretación ante a Cámara da man de Voz Audiovisual, en A Coruña.
As súas inquedanzas artísticas consolídanse coa súa formación na ESADg. Salienta pola súa interpretación na peza de Papel, de José Padilla, dirixida por María Crespo.
A maiores, a súa interpretación destaca na peza Doentum imaxinaribus baixo a dirección de Nando Llera.
Ampliou os seus coñecementos de Commedia dell ́ Arte co mestre Carlo Bosso, investigando a construción das personaxes.
Vila de Cruces
Segovia
RAQUEL
VELASCO
(Adrados, Segovia). Actriz. Escola Superior de Arte Dramática de Galicia.
Segoviana de nacemento e galega de adopción. Dá os seus primeiros pasos na súa cidade natal e continúa a súa actividade teatral na aula universitaria da USC no campus de Lugo, realizando proxectos de grandes autores como Sarah Kane, Juan Mayorga ou Roberto Vidal Bolaño. Todos estes proxectos son baixo a dirección de Paloma Lugilde.
Esta actriz, coa vontade de seguir o seu camiño teatral, decide consolidar os seus estudos de maneira profesional na ESADg. Neste período, sobresae o seu papel protagonista no proxecto Doentum Imaxinaribus, dirixido por Nando Llera e contando co coach actoral do mestre da Commedia dell ́ Arte Carlo Bosso.
En 2020, únese á compañía Teatro Baixo da Area, na súa produción Poeta en Nova York, adaptación e dirección de Paloma Lugilde do xa clásico de F.G. Lorca, actualmente en xira.
ANTIGOS MEMBROS
ALBA
NOGUEIRA
(Vilagarcía de Arousa, Pontevedra). Actriz e cantante. Escola Superior de Arte Dramática de Galicia.
O seu interese polas artes comeza desde moi pequena, formándose en canto e música. Na súa cidade natal, ten a oportunidade de participar nos espectáculos O Rei da Sabana (2012) e Shrek: O Musical (2016) da man da agrupación CODA, así como de participar no concurso musical da TVG Oh Happy Day (2014). As súas inquedanzas artísticas lévana a estudar Interpretación na ESADg onde realizou proxectos como Some explicit Polaroids da man de Mariana Carballal e Dani Salgado e Fenda, a súa propia creación. Ademais, durante este período, complementa a súa formación no panorama audiovisual con profesionais como Conchi Iglesias e Carlos Sedes.
Paralelamente, está sumerxida nun proxecto persoal e íntimo da man do seu grupo musical, Suricar, co que colaborou en festivais da man de O soño de Lilith e As Revenidas de Vilaxoán.
